रौतहटको चन्द्रपुर नगरपालिकास्थित पूर्वपश्चिम राजमार्गको धन्सार–लमाहा खण्डमा मंगलबार बिहान भएको स्कर्पियो दुर्घटनामा चालकसहित ८ जनाको मृत्यु भएको छ। दुर्घटनामा बालबालिकासहित ४ जना घाइते भएका छन्।

इलाका प्रहरी कार्यालय चन्द्रनिगाहपुरका डीएसपी राजकुमार राईका अनुसार, गढीमाई दर्शन गरेर सिराहा फर्कदै गरेका यात्रु चढेको बा १६ च ३१६२ नम्बरको स्कर्पियो अनियन्त्रित भएर रोडबाट तल खस्दै रुखमा ठोक्किएको थियो। 

दुर्घटना स्थलमा तत्कालै प्रहरी टोली पुगेको थियो र घाइतेहरूको उद्धार गरी अस्पताल पठाइएको थियो।

प्रहरीले जानकारी दिएको अनुसार, घटनामा मृत्यु हुनेमध्ये अधिकांशको सनाखत हुन सकेको छैन। ६० वर्षीया फुलमन्ति राम र अन्दाजी ४५ वर्षीय स्कर्पियो चालकको उपचारको क्रममा मृत्यु भएको हो।

दुर्घटनामा बालबालिकासहित ४ जना घाइते भएका छन्। उनीहरूको उपचार चन्द्रनिगाहपुर स्थित ट्रामा सेन्टरमा भइरहेको छ, र एक जनालाई थप उपचारको लागि वीरगन्ज रेफर गरिएको छ।

घटना स्थलमा जाँच गर्दा घाइतेहरू बोल्न नसक्ने अवस्थामा रहेका कारण सनाखतमा समस्या आएको प्रहरीको भनाइ छ।