विभिन्न स्थानमा भएको आगलागीबाट लाखौं रुपैयाँ बराबरको धनमाल नष्ट भएको छ।
काठमाडौं:
बुढानिलकण्ठ नगरपालिका-३, मिलन चोकस्थित अजित श्रेष्ठको गुड म:म सेन्टर एण्ड खाजा घरमा विद्युत सर्ट भएर भएको आगलागीमा फ्रिज, पंखा, सिसिटिभी क्यामेरालगायत सरसामान जलेर करिब २ लाख ५० हजार रुपैयाँ बराबरको क्षति भएको छ।
नवलपरासी पश्चिम:
बर्दघाट नगरपालिका-१४, शुक्रबस्तीमा इलेक्ट्रिक स्कुटर चार्ज गर्ने क्रममा आगलागी हुँदा विद्युतीय स्कुटर र बा.प्र.०३-०३ प ७४९९ नम्बरको स्कुटर पूर्ण रूपमा जलेर नष्ट भएका छन्।
उदयपुर:
त्रियुगा नगरपालिका-११, हिमाली टोलमा होम बहादुर दाहालको घरमा भएको आगलागीमा लत्ताकपडा, फर्निचर, फ्रिजलगायतका सामान जलेर करिब ४ लाख रुपैयाँ बराबरको क्षति भएको छ।
प्रहरीले स्थानीय बासिन्दा र दमकलको सहयोगमा आगो नियन्त्रणमा लिएको छ। घटनाको सम्बन्धमा थप अनुसन्धान जारी रहेको जनाइएको छ।
तपाईको प्रतिक्रिया दिनुहोस