प्रहरी महानिरीक्षक बसन्त बहादुर कुँवरले कास्कीको वडा प्रहरी कार्यालय वैदाम परिसरमा नवनिर्मित कार्यालय भवन, ब्यारेक, हिरासत कक्ष, र भान्साघरको बिहीबार एक कार्यक्रमबीच उद्घाटन गरेका छन्।

कार्यक्रममा कुँवरले भवन निर्माणमा सहयोग गर्ने महानुभावहरूलाई प्रशंसा-पत्र प्रदान गर्दै पोखराको सुरक्षा चुनौती सामना गर्न नागरिकसँग सहकार्य आवश्यक रहेको बताए। उनले शून्य शहनशीलताको नीतिलाई आत्मसात् गरी पीडित वर्गको समस्यामा केन्द्रित हुन प्रहरीलाई निर्देशन दिएका छन् ।

गण्डकी प्रदेश प्रहरी कार्यालयका प्रमुख दुर्गा सिंह, कास्कीका प्रमुख जिल्ला अधिकारी भरतमणि पाण्डे, र अन्नपूर्ण गाउँपालिकाका अध्यक्ष विष्णु बहादुर केसीले कार्यक्रममा शुभकामना व्यक्त गरेका थिए ।

१० करोड ६० लाख रुपैयाँको लागतमा नेपाल सरकारको बजेटबाट निर्माण सम्पन्न उक्त भवनहरूको निर्माण सम्बन्धी प्रतिवेदन प्रहरी नायव उपरीक्षक ई. ध्रुव अधिकारीले प्रस्तुत गरेका थिए।