गैंडाकोटमा गएराति मोटरसाइकल दुर्घटना हुँदा एक जनाको मृत्यु र अर्को गम्भीर घाइते भएका छन्। इलाका प्रहरी कार्यालय गैंडाकोटका अनुसार, कालीगण्डकी कोरीडर हुँदै महेन्द्रराजमार्गतर्फ आउँदै गरेका रुपन्देहीका ३५ वर्षीय पंकज ज्ञवालीको घटनास्थलमै मृत्यु भएको छ। ज्ञवाली कृषि अनुसन्धान परिषद (नार्क) का प्राविधिक अधिकृत थिए।

दुर्घटनामा लमजुङका सुकबहादुर गुरुङ गम्भीर घाइते भएका छन्। उनलाई चितवनस्थित पुरानो मेडिकल कलेजमा उपचारका लागि भर्ना गरिएको छ। दुर्घटना गएराति करिब साढे ११ बजे बुलेट मोटरसाइकल अनियन्त्रित भई भएको हो। दुर्घटनाको कारणबारे थप अनुसन्धान भइरहेको प्रहरीको भनाइ छ।