मकवानपुरमा आज भएका छुट्टाछुट्टै तीन दुर्घटनामा एक जनाको मृत्यु भएको छ भने २४ जना घाइते भएका छन्।

हेटौँडा–सिन्धुली–धरान सडकखण्डमा यात्रुवाहक बस खोल्सामा खस्दा २२ जना यात्रु घाइते भएका छन्। हेटौँडाबाट छतिवनतर्फ जाँदै गरेको बा५ख ६६५३ नम्बरको बस अनियन्त्रित भई ५० मिटर तल खोल्सामा खसेको थियो। प्रहरी र स्थानीयको सहकार्यमा घाइतेहरूलाई उद्धार गरी हेटौँडास्थित सहकारी अस्पताल पठाइएको छ।

पूर्वपश्चिम राजमार्गको मनहरी गाउँपालिका–८ स्थित भिआइपी चोकमा बसले मोटरसाइकललाई ठक्कर दिँदा दुई जना घाइते भएका छन्। मोटरसाइकल चालक अमर थिङ र पछाडि सवार नवीन तितुङ मनहरीस्थित अस्पतालमा उपचाररत छन्। ठक्कर दिने बस र चालक प्रहरीको नियन्त्रणमा छन्।