उपनिर्वाचनः झापा कन्काई-६ मा स्वतन्त्र उम्मेदवार ओलीको विजयी
२०८१ मंसिर १७, सोमबार ०५:४८ मा प्रकाशित
झापाको कन्काई नगरपालिका–६ को वडाध्यक्षमा स्वतन्त्र उम्मेदवार लक्ष्मीप्रसाद ओली विजयी भएका छन्। हिजो सम्पन्न उपनिर्वाचनमा उनले ४९३ मत प्राप्त गरी जित हात पारेका हुन्।
जिल्ला निर्वाचन अधिकारी तुलसी नेपालका अनुसार नेकपा (एमाले) का तुलाराम बस्नेतले ३५६ मत, नेपाली कांग्रेसका रामगोपाल ओलीले ३१७ मत, र नेकपा (माओवादी केन्द्र) का गणेशबहादुर थापाले २७७ मत पाएका थिए।
२०७९ सालको निर्वाचनमा एमालेका दीर्घबहादुर थापा ५०८ मत ल्याएर विजयी भएका थिए। यसपटक उपनिर्वाचनमा कूल २,०५८ मतदातामध्ये १,५१३ मत खसेको थियो।
तपाईको प्रतिक्रिया दिनुहोस