रोल्पाको रुन्टीगढी गाउँपालिका–४ मा नेपाली कांग्रेसका उम्मेदवार भुपमणी पुन मगरले उपनिर्वाचनमा विजय हासिल गरेका छन्। आइतबार भएको स्थानीय तह उपनिर्वाचनको सार्वजनिक मतपरिणाम अनुसार उनले ६४३ मत ल्याएर विजयी भएका हुन्।

निर्वाचन आयोगका अनुसार नेकपा एमालेका वेगम पुनले ५३५ मत प्राप्त गरेका छन्। नेकपा माओवादीका नरेशजंग सिंहले ७० मत प्राप्त गरेका छन् भने राष्ट्रिय प्रजातन्त्र पार्टीका पहल बहादुर वलीले १० मत प्राप्त गरेका छन्। जम्मा १९०० मतमध्ये १२९७ खसेकोमा २१ मत बदर भएको हो। उपनिर्वाचनमा कांग्रेस उम्मेदवार भुपमनी पुन १०८ मतान्तरले विजय भएका छन्।