कीर्तिपुर नगरपालिकाको सर्वदलीय बैठक सम्पन्न भएसँगै आजैदेखि स्थानीय तह उपनिर्वाचनको मतगणना सुरु हुने भएको छ।

बैठकले सुरुमा वडा नम्बर १ को मेयर पदको मतगणना गर्ने र त्यसपछि वडाध्यक्षको मतगणना गर्ने निर्णय गरेको छ। त्यसैगरी, वडा नम्बर ४ मा पनि मेयरको मतगणना पहिला हुने र त्यसपछि वडाध्यक्षको मतगणना गरिनेछ।

अन्य वडाहरूको क्रमिक मतगणना वडा नम्बर २ देखि १० सम्म हुने बैठकले निर्णय गरेको छ। खाना खाइसकेपछि ढिलोमा राति १० बजेबाट मतगणना प्रक्रिया सुरु हुने बताइएको छ।

बैठकले सोमबार बिहानसम्म वडा नम्बर १ र ४ का वडाध्यक्षको नतिजा सार्वजनिक हुने सम्भावना रहेको जानकारी दिएको छ। मतगणनामा निष्पक्षता र पारदर्शिता सुनिश्चित गर्न सर्वदलीय सहमतिका आधारमा प्रक्रिया अघि बढाइने जनाइएको छ।