देशका विभिन्न स्थानमा भएका सवारी दुर्घटनामा चार जनाको मृत्यु भएको छ।
कपिलवस्तु:
यसोधरा गाउँपालिका-७ मा दुई मोटरसाइकल ठोक्किँदा ३१ वर्षीय सब्दान हुसेन चौधरीको मृत्यु भयो। गम्भीर घाइते भएका उनलाई जिल्ला अस्पताल तौलिहवामा उपचारका क्रममा बचाउन सकिएन। अर्को मोटरसाइकल चालकको उपचार जारी छ।
मोरङ (बुढिगंगा):
बुढिगंगा गाउँपालिका-५ मा अनियन्त्रित साइकल दुर्घटनामा २५ वर्षीय जलेश्वर सरदारको मृत्यु भयो। गम्भीर घाइते उनलाई बिराट टिचिङ अस्पतालमा उपचारका क्रममा मृत घोषणा गरियो।
मोरङ (सुन्दरहरैंचा):
सुन्दरहरैंचा-१० मा मोटरसाइकलको ठक्करबाट ६४ वर्षीया सीता गुरागाईको मृत्यु भयो। गम्भीर घाइते गुरागाईलाई नोबेल अस्पतालमा उपचारका क्रममा बचाउन नसकिएको हो। मोटरसाइकल चालकलाई प्रहरीले नियन्त्रणमा लिएको छ।
झापा:
शिवसताक्षी-१ मा बोलेरो पिकअप र मोटरसाइकल ठोक्किँदा मोटरसाइकल चालक ४० वर्षीय ललित बहादुर थापाको मृत्यु भयो। गम्भीर घाइते थापाको बिएण्डसी अस्पतालमा उपचारका क्रममा निधन भएको हो। पिकअप चालकलाई पनि प्रहरीले नियन्त्रणमा लिएको छ।
सवारी दुर्घटनाका सबै घटनाबारे प्रहरीको आवश्यक अनुसन्धान भइरहेको छ।
तपाईको प्रतिक्रिया दिनुहोस