परराष्ट्रमन्त्री आरजु राणा देउवाले देशमा राजनीतिक प्रतिशोधको संस्कृति बढ्न थालेपछि कांग्रेस र एमाले एक ठाउँमा उभिएका छन् भन्ने बताएकी छन्। धनगढीस्थित आफ्नै निवासमा आज बिहान पत्रकारहरूसँग कुरा गर्दै उनले यो गठबन्धन ०८४ सम्म चल्ने बताइन्।

"नेपालमा राजनीतिक प्रतिशोधको संस्कार नयाँ हो, झुटा मुद्दा बनाएर प्रतिशोध लिइँदै छ," उनले भनिन्। यसले राजनीतिको बाटो पछाडि लाग्ने खतरा रहेको भन्दै कांग्रेस र एमालेले मिलेर लामो समयसम्म स्थिर सरकारको परिकल्पना गरेको उल्लेख गरिन्।

मुलुकमा राजनीतिक परिवर्तन भए पनि समृद्धि हासिल हुन नसकेको र बेथिति बढेको उल्लेख गर्दै स्थिर सरकारको आवश्यकता औँल्याइन्। मन्त्री देउवाले यो गठबन्धन ०८४ सम्म चल्ने दाबी गर्दै, प्रारम्भिक दुई वर्ष केपी ओली र त्यसपछि कांग्रेस सभापति शेरबहादुर देउवा प्रधानमन्त्री हुने बताए।

दुई प्रमुख दलहरूको एकताको कारण टिआरसी विधेयक अगाडि बढेको पनि उनले बताइन्। प्रधानमन्त्री केपी ओलीको महिला प्रधानमन्त्री बनाउने इच्छाका बारेमा टिप्पणी गर्दा, आफूलाई प्रधानमन्त्री बन्ने संभावना नदेख्ने कुरा पनि स्पष्ट गरिन्।

संविधानमा केही विषयहरू संशोधन आवश्यक रहेको धारणा राख्दै, संविधानको मूल मर्मलाई नमानेर संशोधन गर्नुपर्ने उल्लेख गरिन्। भारत भ्रमणको क्रममा गौरीफन्टा नाकाको स्तरोन्नति, सुदूरपश्चिमका झुलाघाट र परशुराम पुल निर्माण, र धनगढीको फाप्लामा क्रिकेट मैदान निर्माणका विषयमा भारत सरकारसँग कुरा भएको बताइन्।