आज देशका तीन फरक स्थानमा भएका सवारी दुर्घटनामा तीन जनाको मृत्यु भएको छ।
सर्लाही:
बागमती नगरपालिका-११ स्थित सडकमा मोटरसाइकल (बा.प्र.०२-०४५ प ३०४८) ले ठक्कर दिँदा ५५ वर्षीय शिव थापाको मृत्यु भएको छ। ठक्करपछि गम्भीर घाइते भएका उनलाई नमुना अस्पताल हरिवन लगिएको थियो, उनको उपचारका क्रममा उनको ज्यान गएको छ । मोटरसाइकल चालकलाई प्रहरीले नियन्त्रणमा लिएको छ।
सिन्धुली:
कमलामाई नगरपालिका-९ ईनारपानीमा मोटरसाइकल (ना.४७ प ६४४) अनियन्त्रित भएर दुर्घटना हुँदा २५ वर्षीय नारायण श्रेष्ठको मृत्यु भयो । गम्भीर घाइते उनलाई जिल्ला अस्पताल सिन्धुली लगिएको थियो, तर उपचारकै क्रममा निधन भएको छ ।
दैलेख:
गुराँस गाउँपालिका-४ चिसापानीमा मोटरसाइकल (क.प्र.०२-००२ प ३२५९) सडकबाट करिब ५० मिटर तल खस्दा २६ वर्षीय उपेन्द्र शाहीको मृत्यु भएको छ। उनलाई गम्भीर अवस्थामा प्रदेश अस्पताल कालागाउँ सुर्खेत लगिएको थियो, जहाँ उपचारका क्रममा उनको मृत्यु भएको छ ।
तपाईको प्रतिक्रिया दिनुहोस