हाल देशभर पश्चिमी वायु र पहाडी भू-भागमा स्थानीय वायुको सामान्य प्रभाव रहेकोले आज दिउँसो कोशी, बागमती र गण्डकी प्रदेशका पहाडी भू-भागमा आंशिक बदली देखापरेको छ भने अन्य क्षेत्रहरूमा मौसम मुख्यतया सफा रहनेछ। कोशी र गण्डकी प्रदेशका केही स्थानमा हल्का वर्षा हुनसक्ने सम्भावना पनि रहेको जल तथा मौसम विज्ञान विभागले जनाएको छ।

यस्तै, राति पनि कोशी, बागमती र गण्डकी प्रदेशका पहाडी क्षेत्रहरूमा आंशिक बदली रहन सक्नेछ। साथै, तराईमा बिहानीपख र राति बाक्लो हुस्सु र कुहिरो लाग्न सक्ने भएकाले कृषि, स्वास्थ्य, पर्यटन, पर्वतारोहण, र यातायातमा क्षणिक असर पर्न सक्ने भन्दै सतर्कता अपनाउन विभागले आग्रह गरेको छ।