जल तथा मौसम विज्ञान विभागले गण्डकी र कोशी प्रदेशका पहाडी क्षेत्रमा आंशिक बदली रहेको र बाँकी भागमा मौसम सफा रहने जानकारी दिएको छ। तराईका केही स्थानमा बाक्लो हुस्सु लागेको छ।
दिउँसो र राति कोशी, बागमती, गण्डकी, र कर्णाली प्रदेशका पहाडी भागमा आंशिक बदली भए पनि अन्य क्षेत्र सफा रहने अनुमान गरिएको छ।
आगामी २४ घण्टामा तराईका क्षेत्रमा बिहान र राति बाक्लो हुस्सु लाग्न सक्ने भन्दै विभागले कृषि, स्वास्थ्य, पर्यटन, पर्वतारोहण, सडक तथा हवाई यातायातमा सतर्कता अपनाउन अनुरोध गरेको छ।
तपाईको प्रतिक्रिया दिनुहोस