भक्तपुरमा ९४ वर्षीया वृद्धा शंकास्पद अवस्थामा मृत फेला
२०८१ कार्तिक २९, बिहीबार २२:०१ मा प्रकाशित
सांकेतिक
भक्तपुर नगरपालिका–३ स्थित दरबार स्क्वायर इछुगल्लीमा ९४ वर्षीया विष्णुकुमारी त्वायना आफ्नै घरको चौथो तलामा शंकास्पद अवस्थामा मृत फेला परेकी छन्।
उनको मुखमा कपडा कोचिएको र खुट्टा बाँधिएको अवस्थामा शव फेला परेको भक्तपुर प्रहरीका प्रवक्ता प्रहरी नायब उपरीक्षक ढुण्डीराज न्यौपानेले जानकारी दिएका छन्।
घटनाको थप अनुसन्धानका लागि केनाइन टोलीसहित प्रहरी खटिएको छ भने फरेन्सिक टोलीले अनुसन्धान थालेको छ। प्रहरीले हत्या आशङ्कामा केही व्यक्तिलाई नियन्त्रणमा लिई सोधपुछ गरिरहेको छ।
मृतकको शव परीक्षणका लागि काठमाडौँ मेडिकल कलेज, दुवाकोट पठाइएको छ।
तपाईको प्रतिक्रिया दिनुहोस