आज देशका विभिन्न स्थानमा छुट्टाछुट्टै सवारी दुर्घटनामा पाँच जनाको मृत्यु भएको छ।
नवलपरासी पश्चिमको प्रतापपुर गाउँपालिका-९ खैरेनीमा बस चढ्न लागेको ३४ वर्षीय जगदीश थारूको मृत्यु भएको छ। बसमा चढ्ने क्रममा लडेर गम्भीर घाइते भएका थारूको उपचारका क्रममा मृत्यु भयो।
सप्तरीको सुरूङ्गा नगरपालिका-४ कदमाहामा बसको ठक्करबाट एक अज्ञात ३५ वर्षीय पुरुषको घटनास्थलमै मृत्यु भएको छ।
सुनसरीको धरानमा मोटरसाइकलको ठक्करबाट ५ वर्षीय विशु क्षेत्रीको मृत्यु भएको छ।
सिराहामा ट्याक्टर दुर्घटनामा २६ वर्षीय आयुष झाको मृत्यु भएको छ।
दैलेखको आठबिस नगरपालिका-४ खिट्कीमा बोलेरो जिपको ठक्करबाट ३६ वर्षीय मन बहादुर कार्कीको मृत्यु भएको छ।
प्रहरीले सबै घटनामा अनुसन्धान सुरु गरेको छ।
तपाईको प्रतिक्रिया दिनुहोस