बस दुर्घटना हुँदा अर्घाखाँचीमा एकको मृत्यु, आठ घाइते
२०८१ कार्तिक १९, सोमबार १८:४१ मा प्रकाशित
अर्घाखाँचीको भूमिकास्थान नगरपालिका स्थित जयठाटीमा बस दुर्घटना हुँदा एकको मृत्य र आठ जना घाइते भएका छन् ।
भूमिकास्थान वडा नं ५ र ६ को सिमाना पर्ने जयठाटीमा आज साँझ ५ बजे देउसीभैलो नाचिरहेको स्थानमा ना ३ ख २४७१ नं को बसको ‘ब्रेक फेल’ हुँदा दुर्घटना भएको प्रहरीले जनाएको छ ।
बसले भैलो खेलिरहेकाहरू लाई ठक्कर दिएको र एक महिलाको घटनास्थलमै मृत्युु भएको जिल्ला प्रहरी कार्यालयका प्रमुख प्रहरी नायब उपरीक्षक चक्रबहादुर मल्लले जानकारी दिएका छन् । प्रहरी र स्थानीयले घाइतेहरूको उद्धार गरेका थिए ।
घाइतेलाई अर्घाखाँची अस्पतालमा उपचारका लागि पठाइएको र घटनाको अनुसन्धान भइरहेको मल्लले बताए ।
तपाईको प्रतिक्रिया दिनुहोस