देउसी भैलो टोली बोकेर हिँडेको पिकअप दुर्घटना: १० जना घाइते
२०८१ कार्तिक १७, शनिबार २०:३७ मा प्रकाशित
आज साँझ सुस्ता गाउँपालिका वडा नम्बर ३ बिगेपस्थित भित्री सडक खण्डमा लु ३ च ६०३२ नम्बरको पिकअप गाडी दुर्घटना भएको छ। देउसी भैलो टोली बोकेर हिँडेको पिकअप गाडीले बाख्रालाई जोगाउने क्रममा अनियन्त्रित भई दुर्घटना भएको जिल्ला प्रहरी कार्यालय पश्चिम नवलपरासीले जनाएको छ।
दुर्घटनामा परि १० जना घाइते भएका छन्, जसमा ४ जनाको अवस्था मध्यम र ६ जनाको अवस्था सामान्य रहेको प्रहरीको भनाई छ। घाइतेहरूलाई उपचारका लागि सहिद स्मृति अस्पताल चौपत्ता लगिएको छ। पिकअपमा २५ जना सवार रहेको जानकारी पनि प्रहरीले दिएको छ।
तपाईको प्रतिक्रिया दिनुहोस