बिहीबार राति र शुक्रबार बिहान नेपालका विभिन्न स्थानमा भएको आगलागीबाट करोडौं रुपैयाँको धनमाल नष्ट भएको छ।
कैलालीको धनगढीमा राजु र विकास बर्णवालको कपडा पसलमा विद्युत सर्ट भई लागेको आगोले करिब ४ करोड रुपैयाँको क्षति पुर्यायो।
महोत्तरीको बर्दिबासमा किराना पसलमा आगलागी हुँदा १५ लाख, रौतहटको दुर्गा भगवती गाउँपालिकामा ६ लाख, झापाको मेचीनगरस्थित होटलमा ७ लाख र कञ्चनपुरको त्रिलोक अटो सर्भिसमा २० लाख रुपैयाँ बराबरको सामान जलेर नष्ट भएको छ।
त्यसैगरी, रूपन्देहीको बुटवल, बाराको कोल्हवी र धनुषाको सबैलामा पनि आगलागीका घटनामा लाखौं रुपैयाँको क्षति भएको छ। प्रहरी र स्थानीयबासिन्दाको सहयोगमा आगो नियन्त्रणमा लिइएको र घटनाहरूको अनुसन्धान भइरहेको जनाइएको छ।
तपाईको प्रतिक्रिया दिनुहोस