देशका विभिन्न स्थानमा बिहीबार भएका सवारी दुर्घटनामा पाँच जनाको मृत्यु भएको छ।
बाँकेको नेपालगंज उपमहानगरपालिका-१ पुष्पलाल चोकमा मोटरसाइकल र बस ठोक्किँदा मोटरसाइकल चालक जितराम शाहुको निधन भएको छ। काभ्रेको भुम्लु गाउँपालिकामा स्कुटर अनियन्त्रित भई पल्टिंदा चालक विशाल चौलागाईको मृत्यु भएको छ ।
पाल्पाको माथागढी गाउँपालिकामा ट्रकको ठक्करबाट पैदलयात्री टेक बहादुर ढेगाको ज्यान गएको प्रहरीले जनाएको छ । चितवनको भरतपुरमा मोटरसाइकल दुर्घटनामा अशोक भुजेलको मृत्यु भयो भने नुवाकोटको लिखु गाउँपालिकामा मोटरसाइकल र ट्रक ठोक्किँदा बिनोद चौलागाईको निधन भएको छ।
तपाईको प्रतिक्रिया दिनुहोस