बझाङ र रोल्पामा खोलामा डुबेर दुई बालकको मृत्यु
२०८१ कार्तिक १३, मंगलबार २०:५० मा प्रकाशित
सांकेतिक
बझाङ र रोल्पामा खोलाले बगाएर तथा डुबेर दुई बालकको मृत्यु भएको छ ।
बझाङको जयपृथ्वी नगरपालिका-७ सुबेडाका ४ वर्षीय हिमेश सुबेदीको घर नजिकै रहेको पोखरीमा डुबेर मंगलबार बिहान मृत्यु भएको हो। डुबेर गम्भीर घाइते भएका हिमेशलाई जिल्ला अस्पताल बझाङमा उपचारका लागि पुर्याइएको थियो । उनको उपचारका क्रममा उनको मृत्यु भएको थियो ।
यस्तै, रोल्पाको माडी गाउँपालिका-६ लाप्चुङ भर्लेवाङस्थित माडी खोलाले बगाएर ६ वर्षीय निशान्त बिकको मंगलबार दिउँसो मृत्यु भएको छ। खोलाले बगाएर बेपत्ता भएका निशान्तलाई स्थानीयको सहयोगमा खोज्दा माडी खोलाको दहमा उनको शव फेला परेको हो।
तपाईको प्रतिक्रिया दिनुहोस