देशभर पश्चिमी वायु र बंगालको खाडीमा विकसित दाना चक्रवातको आंशिक प्रभाव परिरहेको मौसम पूर्वानुमान महाशाखाले जनाएको छ। यस प्रभावका कारण कोशी प्रदेशमा आंशिकदेखि साधारणतया बदली देखिएको छ भने अन्य प्रदेशहरूमा आंशिक बदली रहेको छ।

दिउँसो पहाडी भूभागका एक-दुई स्थानमा मेघगर्जन र चट्याङसहित हल्का वर्षाको सम्भावना रहेको बताइएको छ। महाशाखाका अनुसार राति पनि देशका पहाडी भूभागमा आंशिक बदली कायम रहनेछ, जसमा विशेषगरी कोशी प्रदेशका पहाडी क्षेत्रका एक-दुई स्थानमा मेघगर्जन र चट्याङसहित हल्का वर्षा हुने सम्भावना छ।