काठमाडौं, ४ कात्तिक – प्युठान र सप्तरीमा भएको दुईवटा सवारी दुर्घटनामा दुईजनाको मृत्यु भएको छ।

प्युठानको  ऐरावती गाउँपालिका-२ टिकुरीमा शनिबार राति मोटरसाइकल दुर्घटनामा २७ वर्षीय नवराज श्रेष्ठको मृत्यु भएको छ। गम्भीर घाइते भएका श्रेष्ठको जिल्ला अस्पताल विजुवारमा उपचारको क्रममा मृत्यु भएको हो।

सप्तरीको  कन्चनरूप नगरपालिका-३ मा आइतबार बिहान बसले मोटरसाइकललाई ठक्कर दिँदा ५४ वर्षीया मैया राईको घटनास्थलमै मृत्यु भयो। दुर्घटनामा घाइते २२ जना यात्रुमध्ये १७ जनाको सप्तरी र मोरङका अस्पतालहरूमा उपचार भइरहेको छ।

प्रहरीले घटनाहरूको अनुसन्धान जारी राखेको छ।