प्रधानन्यायाधीश प्रकाशमान सिंह राउत र प्रधानसेनापति अशोकराज सिग्देलले प्राड विवाक जर्नल २०८१ को संयुक्त रूपमा विमोचन गरेका छन् ।
नेपाली सेनाको प्राड विवाक स्थापनाको ६२औँ वार्षिकोत्सवको अवसरमा आज जङ्गी अड्डामा आयोजित कार्यक्रममा उहाँहरुले जर्नल विमोचन गर्नुभएको हो ।
कार्यक्रममा सैनिक न्याय प्रणालीको विकासमा योगदान दिने सैनिक विशेष अदालतका पूर्वसदस्य तथा पूर्वरक्षा सचिव किरणराज शर्मा र सेना प्राड विवाकका पूर्वप्रमुख प्राड उपरथी रत्न प्रकाश थापालाई सम्मान गरिएको सैनिक जनसम्पर्क तथा सूचना निर्देशनालयले जनाएको छ ।
कार्यक्रममा न्यायाधीशहरू, नेपाल सरकारका सचिवहरू, नेपाली सेनाका रथीवृन्द एवं अधिकृतको उपस्थिति थियो ।
तपाईको प्रतिक्रिया दिनुहोस