जापानका सम्राट नारुहितोर साम्राज्ञी मासाकोले सोमबार दोस्रो विश्वयुद्धको अन्त्यको ८०औँ वार्षिकोत्सव मनाउन सानो प्रशान्त टापुइवोजिमाको दुर्लभ भ्रमण गरेका छन्।

टोकियोबाट करिब एक हजार २५० किलोमिटर दक्षिणमा रहेको जापानी टापु सन् १९४५ मा युद्धकालीन शत्रुहरू जापान र संयुक्तराज्य अमेरिकाबीच पाँच हप्तासम्म चलेको लडाइँको स्थल थियो ।

टापुमा रहेका जापानका लगभग सबै २१ हजार सैनिक लडाइँका क्रममा मारिएका थिए भने अमेरिकी पक्षमा छ हजार आठसयभन्दा बढी मारिएका र १९ हजार घाइते भएका थिए ।

जापानमा इवो–तो भनेर चिनिने टापुमा वर्षा हुँदा शाही दम्पतीले फूल चढाएर युद्धमा मरेका मानिसहरूको स्मारकमा धार्मिक रूपमा पानी खन्याए ।

प्रधानमन्त्री सिगेरुइसिबार अमेरिकी रक्षामन्त्री पिटहेगसेथले गत महिना इवोजिमाको लडाइँको ८० वर्ष पुगेको अवसरमा संयुक्त रूपमा टापुको भ्रमण गरे ।

यो लडाइँले चलचित्रर पुस्तकहरूलाई प्रेरित ग¥यो तर यो द्वितीय विश्वयुद्धको सबैभन्दा प्रसिद्ध तस्बिरहरूमध्ये एक – माउन्ट सुरिबाचीको भग्नावशेष ढाकेको सतहमा अमेरिकी मरिनहरूको एक समूहले अमेरिकी झन्डा फहराइरहेको देखाउने तस्बिरसँग सबैभन्दा बढी जोडिएको छ ।

आज यो टापु नागरिकहरूका लागि प्रतिबन्धित छ र यसको खैरो समुद्री किनारामा युद्धपोतका क्षतिग्रस्त भागहरू छरिएका छन् तथा हरियालीमा जिङ्ग लागेका परित्यक्त ट्याङ्कहरू अवस्थित छन् ।

यस दुर्गम ज्वालामुखी टापुमा युद्धमा मृत्यु भएकाहरूका अवशेष खोज्ने प्रयास जारी छ । त्यहाँ एएफपी पत्रकारले सोमबार गन्धकको गन्ध हावामा फैलिएको बताए ।

नारुहितोका आमाबाबु एवं पूर्व–सम्राट अकिहितो र पूर्वसाम्राज्ञी मिचिकोले सन् १९९४ मा यस टापुको भ्रमण गरेका थिए ।