दाङको शान्तिनगर गाउँपालिकाले लिएको पालिका अन्तर्गत रहेका विद्यालयहरूको यस वर्षको आधारभूत तह कक्षा-८को वार्षिक परीक्षामा लोकप्रिय विद्यामन्दिरकी छात्रा निसा गिरी गाउँपालिका सर्वोत्कृष्ट बनेकी छन् । उनले जिपीए ३.८३ ल्याएर पालिकामा सर्वोत्कृष्ट बन्न सफल भएकी हुन् । लोकप्रिय विद्यामन्दिर संस्थागत विद्यालय हो । 

यहि चैत ७ गते देखि शुरु भएको परीक्षा २४ गतेसम्म चलेको थियो । पालिकामा जम्मा ५७६ जना विद्यार्थीहरू परीक्षामा सहभागी भएका मध्ये २८८ जना विद्यार्थीहरू ग्रेडेड भएका छन् भने २८७ जना विद्यार्थीहरू ननग्रेडेड भएका छन् । 

त्यसैगरी, सामुदायिक विद्यालयतर्फ सबैभन्दा धैरै जिपिए  शोभा ओलीले ल्याउन सफल भएकी छन् । उनले ३.४९ जिपिए ल्याएकी छन् । समग्र गाउँपालिकामा सामुदायिक र संस्थागत विद्यालयको नतिजा ५०.१ % ग्रेडेड र ४९.९ % ननग्रेडेड भएका छन् । पालिका शिक्षा शाखा प्रमुख सुमन पाण्डेका अनुसार अब छिट्टै ननग्रेडेडहरुको पुनः परीक्षा हुने र ग्रेड वृद्दि भएकाहरुलाई मात्र कक्षा ९ मा भर्ना गरिने रैवार प्रेस सँग बताएका छन् ।