देशका विभिन्न स्थानहरूमा हाल परिचय नखुलेका चारजना व्यक्तिहरू मृत अवस्थामा फेला परेका छन्। घटनाको बारेमा प्रहरीले आवश्यक अनुसन्धान गरिरहेको जनाएको छ ।

काठमाडौं महानगरपालिका–८ स्थित पशुपति आर्यघाट नजिकै सत्तल पेटिमा एक अन्दाजी ३५ वर्षीय पुरुष बुधबार बिहान मृत अवस्थामा फेला परेका हुन् । मृतकको नाम, थर र वतन खुल्न सकेको छैन ।

त्यस्तै, खोटाङ जिल्लाको ऐसेलुखर्क गाउँपालिका–१ वादस्कु बस्ने ४५ वर्षीय यादवराज राई मंगलबार राखाबाङदेलस्थित सडक छेउमा मृत भेटिएको जिल्ला प्रहरी कार्यालयले जनाएको छ ।

चितवनको कालिका नगरपालिका–५ स्थित भीमउली सामुदायिक वनमा अन्दाजी ६२ वर्षीय एक पुरुष मंगलबार मृत भेटिएका छन्। मृतकको परिचय खुल्न बाँकी छ ।

यस्तै, धनुषाको जनकपुरधाम उपमहानगरपालिका–२३ जिरोमाईलस्थित बसपार्कको मुख्य गेट अगाडि अन्दाजी ४५ वर्षीय एक पुरुष मंगलबार मृत अवस्थामा भेटिएका छन्। उनको नाम, थर र वतन खुल्न सकेको छैन ।

संबन्धित जिल्लाका प्रहरी कार्यालयहरूले घटनाको अनुसन्धान अघि बढाएका छन् ।