देशभर मनसुनी वायुले असर पुर्‍याएको छ भने पूर्वी र मध्य भागमा बङ्गलादेशको उत्तर र भारतको पश्चिम बङ्गाल आसपासमा बनेको न्यून चापीय प्रणालीको आंशिक प्रभाव परेको छ। यसका कारण लुम्बिनी, गण्डकी र देशका पहाडी भागमा आंशिक बदली रहेको छ भने अन्य क्षेत्रमा मौसम सफा रहेको छ। केही स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जानकारी दिएको छ।

आज दिउँसो आंशिकदेखि सामान्य बदली रहँदा कोशी, बागमती, गण्डकी, र लुम्बिनीका केही स्थानमा हल्का वर्षा हुन सक्ने सम्भावना छ। राति पहाडी क्षेत्रमा बदलीको सम्भावना रहँदा केही स्थानमा हल्का वर्षा र चट्याङ्गको सम्भावना छ।