Techie IT
२०८१ चैत्र २२, शुक्रबार

सवारी दुर्घटनामा दुई जनाको मृत्यु


सिन्धुली, दुधौली नगरपालिका-४ एकहटियास्थित सडकमा प्र.२-०१-००१ प ७०११ नम्बरको मोटरसाइकल र बा.प्र ०३-०१ ज ४४५ नम्बरको इभि गाडी एकआपसमा ठक्कर खाई बिहीबार बिहान दुर्घटना हुँदा मोटरसाइकल चालक तीनपाटन गाउँपालिका-१० औलडाँडा बस्ने २६ वर्षीय प्रेम राना मगरको मृत्यु भएको छ । दुर्घटनामा गम्भीर घाइते भएका उनको नगर अस्पताल सिर्थौलीमा उपचारको क्रममा मृत्यु भएको हो । 

त्यसैगरी, बागलुङ, गल्कोट नगरपालिका-३ खसगाउँस्थित सडकमा हटियाबाट कोट मैदानतर्फ जाँदै गरेको ग.१ ज ६१०० नम्बरको जीप अनियन्त्रित भई बिहीबार बिहान दुर्घटना हुँदा जीपमा सवार सोही नगरपालिका-११ रिघा बस्ने २२ वर्षीय बिष्णु रानाको मृत्यु भएको छ ।

 दुर्घटनामा गम्भीर घाइते भएका उनको नगर अस्पताल गलकोटमा उपचारको क्रममा मृत्यु भएको हो । साथै दुर्घटनामा घाइते भएका जीपमा सवार अन्य ३ जनाको सोही अस्पतालमा उपचार भरहेको छ । 
दुर्घटनाका सम्बन्धमा प्रहरीले आवश्यक अनुसन्धान गरिरहेको छ । 
 



तपाईको प्रतिक्रिया दिनुहोस



Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट