Techie IT
२०८१ चैत्र २१, बिहीबार

सवारी दुर्घटनामा तीन जनाको मृत्यु


देशका विभिन्न स्थानमा भएको सवारी दुर्घटनामा तीन जनाको ज्यान गएको छ । काठमाडौं महानगरपालिका–११ बबरमहल चोक नजिक बुधबार राति बा.८६ प ९०४० नम्बरको मोटरसाइकल अनियन्त्रित भई दुर्घटना हुँदा चालक इसान राईको मृत्यु भएको हो। भक्तपुरको थिमी नगरपालिका बसोबास गर्दै आएका राईको स्थायी ठेगाना खोटाङ हो। गम्भीर घाइते राईको माईतीघरस्थित अन्नपूर्ण न्यूरो अस्पतालमा उपचारको क्रममा मृत्यु भएको प्रहरीले जनाएको छ।

त्यसैगरी, नुवाकोटको तारकेश्वर गाउँपालिका–१ छापडाँडास्थित सडकमा बा.२ ख ६८०४ नम्बरको बसले ठक्कर दिँदा सोही ठाउँकी अन्दाजी ३७ वर्षीया मञ्जु तामाङको मृत्यु भएको हो। घाइते तामाङको जिल्ला अस्पताल त्रिशुलीमा उपचारको क्रममा निधन भएको हो। घटनापछि बस चालकलाई प्रहरीले नियन्त्रणमा लिएको छ।

चितवनको भरतपुर महानगरपालिका–१ भतेरी जङ्गलस्थित सडकमा बिहीबार बिहान भएको दुर्घटनामा एक अन्दाजी ३० वर्षीय पुरुषको मृत्यु भएको छ। बा.२५ प ४४०३ नम्बरको मोटरसाइकल र ना.६ ख ४७५१ नम्बरको ट्रक ठोक्किँदा गम्भीर घाइते भएका ती व्यक्तिको नयाँ मेडिकल कलेज भरतपुरमा उपचारका क्रममा मृत्यु भएको हो। दुर्घटना मोटरसाइकल र स्कुटर एकआपसमा ठोक्किएपछि मोटरसाइकल अनियन्त्रित भई ट्रकमा ठोक्किँदा भएको थियो। घटनापछि ट्रक चालक र स्कुटर चालकलाई प्रहरी नियन्त्रणमा लिएको छ।

तीन वटै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।



तपाईको प्रतिक्रिया दिनुहोस



सम्बन्धित खवर

Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट